ఏదో .. వప్పుకోనంది నా ప్రాణం

శశిరేఖాపరిణయం (2008)

సంగీతం: విద్యాసాగర్
సాహిత్యం: సిరివెన్నెల
గానం: సైంధవి

ఏదో .. వప్పుకోనంది నా ప్రాణం
అది ఏదో .. చెప్పనంటోంది నా మౌనం

ఉబికి వస్తుంటే సంతోషం .. అదిమిపెడుతోందే ఉక్రోషం
తన వెనుక నేనూ .. నా వెనుక తానూ
ఎంతవరకీ గాలి పయనం అడగదే ఉరికే ఈ వేగం !

ఎదో ఎదో ఏదో .. వప్పుకోనంది నా ప్రాణం
అది ఏదో .. చెప్పనంటోంది నా మౌనం

ముల్లులా బుగ్గను చిదిమిందా ..
మెల్లగా సిగ్గును కదిపిందా ..
వానలా మనసును తడిపిందా ..
వీణలా తనువును తడిమిందా (2)

చిలిపి కబురు ఏం విందో .. వయసుకేమి తెలిసిందో
చిలిపి కబురు ఏం విందో .. వయసుకేమి తెలిసిందో
ఆదమరుపో .. ఆటవిడుపో .. కొద్దిగా నిలబడి చూద్దాం

ఓ క్షణం ..
అంటే .. కుదరదంటోంది నా ప్రాణం
కాదంటే .. ఎదురు తిరిగింది నా హృదయం !