నేనొక ప్రేమ పిపాసిని -

చిత్రం : ఇంద్రధనుస్సు (1978)
గానం : బాలసుబ్రహ్మణ్యం

నేనొక ప్రేమ పిపాసిని - నీవొక ఆశ్రమవాసివి
నా దాహం తీరనిది - నీ హృదయం కదలనిది
నేనొక ప్రేమ పిపాసిని - నీవొక ఆశ్రమవాసివి
నా దాహం తీరనిది - నీ హృదయం కదలనిది
నేనొక ప్రేమ పిపాసిని..

చరణం 1:
తలుపు మూసినా తలవాకిటనే - పగలు రేయి నిలుచున్నా
పిలిచి పిలిచీ బదులేరాక - అలసి తిరిగి వెళుతున్నా
తలుపు మూసినా తలవాకిటనే - పగలు రేయి నిలుచున్నా
పిలిచి పిలిచీ బదులేరాక - అలసి తిరిగి వెళుతున్నా
నా దాహం తీరనిది - నీ హృదయం కదలనిది
నేనొక ప్రేమ పిపాసిని..

చరణం 2:
పూట పూట నీ పూజ కోసమని - పువ్వులు తెచ్చాను
ప్రేమభిక్షను పెట్టగలవని - దోసిలి ఒగ్గాను
నీ అడుగులకు మడుగులోత్తగా - ఎడదను పరిచాను
నీవు రాకనే అడుగు పడకనే - నలిగిపోయాను
నేనొక ప్రేమ పిపాసిని..

చరణం 3:
పగటికి రేయి - రేయికి పగలు - పలికే వీడ్కోలు
సెగ రేగిన గుండెకు చెబుతున్నా - నీ చెవిన పడితే చాలు
నీ జ్ఞాపకాల నీడలలో నన్నెపుడో చూస్తావు
నను వలచావని తెలిపేలోగా - నివురైపోతాను..